Շաբաթ , 20 Հուլիս 2019

    [wpbrzone id=11]
    °
    Home » Լուրեր » Ամենայն Հայոց Կաթողիկոսն ընդունել է ՀՀ-ում Իսրայելի նորանշանակ դեսպանին

    Ամենայն Հայոց Կաթողիկոսն ընդունել է ՀՀ-ում Իսրայելի նորանշանակ դեսպանին

    Ամենայն Հայոց Կաթողիկոսն ընդունել է ՀՀ-ում Իսրայելի նորանշանակ դեսպանին
    Հուլիս 11, 2019 15:47 Լուրեր, Հասարակություն A+ / A-

    Հուլիսի 11-ին Ն.Ս.Օ.Տ.Տ. Գարեգին Երկրորդ Ծայրագույն Պատրիարք և Ամենայն Հայոց Կաթողիկոսը Մայր Աթոռ Սուրբ Էջմիածնում ընդունել է Հայաստանի Հանրապետությունում Իսրայելի Պետության նորանշանակ արտակարգ և լիազոր դեսպան Էլիավ Բելոցերկովսկին (նստավայրը՝ ք. Երուսաղեմ):

    Ինչպես տեղեկացնում է Մայր Աթոռ Սուրբ Էջմիածնի տեղեկատվական համակարգը, հանդիպմանը ներկա  էր նաև Իսրայելում Հայաստանի Հանրապետության արտակարգ և լիազոր դեսպան Արմեն Սմբատյանը:

    Շնորհավորելով դեսպանին պաշտոնը ստանձնելու առթիվ՝ Ամենայն Հայոց Կաթողիկոսը իր բարեմաղթանքներն է բերել դեսպանին:

    Զրույցի ընթացքում անդրադարձ է կատարվել երկու ժողովուրդների պատմական առնչակցություններին ու ընդհանրություններին և ներկայում երկու երկրների միջև առկա հարաբերություններին: Խոսվել է նաև Երուսաղեմի Հայոց Պատրիարքության կարևոր առաքելության և Իսրայելում հայ համայնքի կյանքի, ինչպես նաև տարածաշրջանային խնդիրների մասին:

    Շնորհակալություն հայտնելով ընդունելության համար` դեսպան Բելոցերկովսկին վստահեցրել է, որ իր պաշտոնավարման ընթացքում հնարավոր բոլոր ջանքերը կգործադրի երկկողմ կապերի ամրապնդման և խորացման համար: Վերջինս ընդգծել է նաև, որ տպավորված է Հայաստանի պատմությամբ, հայ ժողովրդով և նրա հարուստ մշակութային ժառանգությամբ:

    Հանդիպման ավարտին Ամենայն Հայոց Հայրապետն արդյունավոր առաքելություն մաղթել է դեսպանին:


    Նման թեմաներ

    [wpbrzone id=9]
    scroll to top