Կիրակի , 18 Օգոստոս 2019

    [wpbrzone id=11]
    °
    Home » Լուրեր » Գերմանիայում 2500 եվրոյով կտուգանվեն կարմրուկի դեմ պատվաստումից հրաժարվողները

    Գերմանիայում 2500 եվրոյով կտուգանվեն կարմրուկի դեմ պատվաստումից հրաժարվողները

    Գերմանիայում 2500 եվրոյով կտուգանվեն կարմրուկի դեմ պատվաստումից հրաժարվողները
    Հուլիս 19, 2019 16:51 Լուրեր A+ / A-

    Գերմանիայի կառավարությունը աջակցել է օրինագծին, որի համաձայն բոլոր երեխաները պարտավոր են մինչեւ մանկապարտեզ կամ դպրոց հաճախելը կարմրուկի դեմ պատվաստվել: 2020-ի մարտից  ծնողները պետք է համապատասխան տեղեկանք ներկայացնեն կրթական հաստատություն:

    DW-ը հաղորդում է, որ  այս պահանջը կատարելուց հրաժարվելու դեպքում ծնողներին զգալի տուգանքներ են սպասվում՝ մինչեւ 2500 եվրո:

    Առողջապահության նախարար Ենս Սպանը (Jens Spahn) նշում է. «Լինի մանկապարտեզ, դայակ կամ դպրոց՝ մենք ցանկանում ենք բոլորին պաշտպանել կարմրուկից»:

    Բացի այդ կամրուկից պատվաստումը պարտադիր կդառնա մասնավոր դայակների, մանկապարտեզների, դպրոցների, բժշկական հաստատությունների եւ այլ հասարակական հաստատությունների համար: Պարտադիր կլինեն  կամրուկի դեմ պատվաստումները հանրակացարաններում ապրող փախստականների եւ ապաստան հայցողների հմաար:

    Այժմ վերջին խոսքը Բունդեսթագինն է, որը պետք է հաստատի օրինագիծը:

    Հիվանդությունների վերահսկման եւ պրոֆիլակտիկայի եվրոպական կենտրոնի տվյալների համաձայն՝ Գերմանիայում հայտնաբերվել է Եվրոպայում կարմրուկով հիվանդացության ամենաբարձր ցուցանիշներից մեկը. 2018-ի մարտից մինչեւ 2019-ի փետրվար՝ 651 հիվանդ:

    Առողջապահության  նախարարության տեղեկատվության համաձայն՝ ընթացիկ տարվա հունիսի կեսին Գերմանիայում գրանցվել է կարմրուկի 429 դեպք:


    Նման թեմաներ

    [wpbrzone id=9]
    scroll to top