Հինգշաբթի , 27 Հունիս 2019

    [wpbrzone id=11]
    °
    Home » Լուրեր » Իշխանության ճյուղերը պետք է արտացոլեն ժողովրդի հավաքական կամքը

    Իշխանության ճյուղերը պետք է արտացոլեն ժողովրդի հավաքական կամքը

    Իշխանության ճյուղերը պետք է արտացոլեն ժողովրդի հավաքական կամքը
    Մայիս 20, 2019 0:24 Լուրեր, Քաղաքական A+ / A-

    Նախագահ Արմեն Սարգսյանը հայտարարություն է տարածել եւ անդրադարձել վարչապետ Նիկոլ Փաշինյանի  կոչին դատարանների մուտքերը փակելու մասին. «Սիրելի՛ հայրենակիցներ, այն, որ Հայաստանի Հանրապետությունում ժողովրդավարական գործընթացներն անշրջելի են, չպետք է որևէ մեկի մեջ երկմտանք առաջացնի ոչ Հայաստանում, ոչ էլ նրա սահմաններից դուրս:

    Հայաստանի Հանրապետության Սահմանադրությամբ իշխանությունը պատկանում է ժողովրդին։ Հետևաբար, ՀՀ իշխանության ճյուղերը՝ օրենսդիր, գործադիր և դատական, պետք է արտացոլեն Հայաստանի ժողովրդի հավաքական կամքը և ծառայեն իրենց Սահմանադրական նպատակներին։

    Ուստի կոչ եմ անում Հայաստանի բոլոր քաղաքացիներին, անկախ զբաղեցրած հասարակական ու քաղաքական դիրքից և պաշտոնից՝ պահպանել հանգստություն և հանդարտություն, պահպանել Սահմանադրությունն ու օրենքները։

    Այս պահին աշխատանքային այցով գտնվելով արտերկրում՝ անընդհատ կապի մեջ եմ համապատասխան պետական մարմինների հետ:

    Հորդորում եմ, որ սթափությունը և հանդուրժողականությունը գերակա լինեն այս օրերին:

    Աստված պահապան բոլորիս»:


    [wpbrzone id=9]
    scroll to top