Երկուշաբթի , 20 Մայիս 2019

    [wpbrzone id=11]
    °
    Home » Լուրեր » Մխիթար Հայրապետյանն այցելել է «Թումո» կենտրոն

    Մխիթար Հայրապետյանն այցելել է «Թումո» կենտրոն

    Մխիթար Հայրապետյանն այցելել է «Թումո» կենտրոն
    Ապրիլ 23, 2019 14:09 Լուրեր, Հասարակություն A+ / A-

    Ազգային ժողովի գիտության, կրթության, մշակույթի, սփյուռքի, սպորտի և երիտասարդության հարցերի մշտական հանձնաժողովի նախագահ Մխիթար Հայրապետյանն այցելել է Թումո ստեղծարար տեխնոլոգիաների կենտրոն, որտեղ շրջայց է կատարել վերջինիս գործադիր տնօրեն Մարի Լու Փափազյանի հետ:

    Տնօրենը պատգամավորին է ներկայացրել կենտրոնի ստեղծման պատմությունը, ընթացքում ծագած խնդիրները, գործունեության ներկա փուլն ու առաջիկա անելիքները: Հայրապետյանն ընդգծել է, որ կարևոր է համարում Թումոյի՝ որպես հայկական բրենդի տարածմանը ինչպես Հայաստանում, այնպես էլ աշխարհում և, անհրաժեշտության դեպքում, պատրաստ է օժանդակել: Թումոն յուրօրինակ հաջողության պատմություն է, որտեղ մեկ հզոր գաղափարը փոխել է տասնյակ հազարավորներ երիտասարդների կյանքը:

    Շրջայցի ընթացքում Մխիթար Հայրապետյանը զրուցել է թումոցիների հետ, ներկա գտնվել դասապրոցեսին, ծանոթացել տեղացի և օտարերկրյա կամավորների հետ:

    Հայաստանի և Արցախի թումոներում այժմ 12-18 տարեկան շուրջ 19.000 պատանի ստանում է արտադպրոցական ուսուցում թվային մեդիաների ոլորտում՝ հատուկ մշակված ուսումնական ծրագրով, ծանոթանում 3D մոդելավորման, ֆիլմերի և երաժշտության պատրաստման, ռոբոտաշինության, լուսանկարչության, գրաֆիկական դիզայնի և այլ ոլորտների նրբություններին։


    Նման թեմաներ

    [wpbrzone id=9]
    scroll to top