Երկուշաբթի , 20 Փետրվար 2017

  •  USD   Առք` 484.50   Վաճառք` 488.50   ՀՀ ԿԲ` 486.74   
  •  EUR   Առք` 512.00   Վաճառք` 527.00   ՀՀ ԿԲ` 517.99   
  •  CHF   Առք` 461.00   Վաճառք` 492.00   ՀՀ ԿԲ` 486.89   
  •  GBP   Առք` 593.00   Վաճառք` 612.00   ՀՀ ԿԲ` 603.95   
  •  RUB   Առք` 8.23   Վաճառք` 8.55   ՀՀ ԿԲ` 8.43   
  •  GEL   Առք` 171.00   Վաճառք` 191.00   ՀՀ ԿԲ` 184.20   
[wpbrzone id=11]
Clear
-8°
Home » Լուրեր » Վարչապետի հանձնարարականները նախարարներին

Վարչապետի հանձնարարականները նախարարներին

Հունվար 12, 2017 11:27 Լուրեր, Քաղաքական A+ / A-

karen

ՀՀ Կառավարությունը գումարել է այս տարվա առաջին նիստը: Մինչ օրակարգային հարցերին անդրադառնալը վարչապետ Կարեն Կարապետյանը հերթական հանձնարարականները տվեց իր կաբինետի անդամներին:

Կարապետյանի առաջին հանձնարարականն ուղղված էր ՀՀ տնտեսական զարգացման եւ ներդրումների, առողջապահության, գյուղատնտեսության եւ պաշտպանության նախարարներին: «Համատեղ ուսումնասիրել եւ 20-օրյա ժամկետում առաջարկություն ներկայացնել ներմուծման, տեղական արտադրության վերաբերյալ ըստ առանձին ապրանքների: Մասնավորապես, դիտարկել փոխարինման մեխանիզմները, տարբեր հնարավորությունները, այդ թվում՝ համարժեք փոխարինող ապրանքներ, որոնց արտադրության կազմակերպումը տեղում կարող  է լինել շահավետ եւ մրցունակ ներմուծողների նկատմամբ»,- հանձնարարեց վարչապետը: Բացի այդ, Կարեն Կարապետյանը նշեց, թե  շուկայում մրցունակ ներմուծվող ապրանքների կարողությունները սահմանափակ են, իսկ տեղում նման ապրանքների արտադրություն չի կազմակերպվում:

Վարչապետի հաջորդ հանձնարարականը վերաբերում էր պետական գույքի կառավարման վարչության պետին: «Երկամսյա ժամկետում առողջապահության, արդարադատության, արտակարգ իրավիճակների, բնապահպանության, գյուղատնտեսության, տնտեսական զարգացման եւ ներդրումների, ֆինանսների, պաշտպանության, կրթության և գիտության, սպորտի եւ երիտասարդության հարցերի, ինչպես նաեւ Քաղաքաշինության կոմիտեի նախագահի հետ քննարկումների արդյունքում Կառավարության աշխատակազմ ներկայացնել առաջարկություններ պետական մասնակցությամբ առեւտրային կազմակերպությունների կառավարման բնագավառում կոնկրետ միջոցառումներ եւ գործուն մեխանիզմներ կիրառելու վերաբերյալ` նպատակ ունենալով այս տարվա  կտրվածքով պետական բյուջե մուտքագրվող շահաբաժնի էական ավելացում»,- հանձնարարեց Կարեն Կարապետյանը:

[wpbrzone id=9]
scroll to top