Ուրբաթ , 23 Օգոստոս 2019

    [wpbrzone id=11]
    °
    Home » Լուրեր » Եթե որևէ կաշկանդվածություն ունենայի, կշարունակեի 10 տարի շարունակ եղած ձեռագիրը

    Եթե որևէ կաշկանդվածություն ունենայի, կշարունակեի 10 տարի շարունակ եղած ձեռագիրը

    Եթե որևէ կաշկանդվածություն ունենայի, կշարունակեի 10 տարի շարունակ եղած ձեռագիրը
    Մայիս 23, 2019 13:53 Լուրեր, Քաղաքական A+ / A-

    Ոստիկանությունը գործում է թափանցիկ, և անհիմն եմ համարում նմանատիպ խոսակցությունները։ Այս մասին Կառավարության նիստից հետո հայտարարեց ՀՀ ոստիկանության պետ Վալերիյ Օսիպյանը՝ արձագանքելով ՊՎԾ-ի կողմից ոստիկանությունում հնարավոր չարաշահումների բացահայտմանը վերաբերող հարցին։

    «Այդ ելույթը, որ ՊՎԾ պետի պաշտոնակատարը ներկայացրել է, ավելի շատ պոպուլիստական բնույթ է կրում։ Կարևոր հանգամանք եմ ձեզ ուզում ներկայացնեմ, որ «Պետական վերահսկողական ծառայության մասին» ՀՀ օրենքի համաձայն՝ վերահսկող օբյեկտին՝ ի դեմս ոստիկանության, պարտավոր էին տեղեկանք ներկայացնել ավարտից հետո։ Ես կոռեկտ չեմ համարում նման արտահայտությունն այս փուլում։ Փորձում են ենթադրյալ մեղադրանքներ առաջադրել ինչ-որ անձանց։ ՊՎԾ-ն օրենքի համաձայն նախ պետք է ՀՀ վարչապետին ներկայացներ այն, ինչ որ ինքը հայտնաբերել էր,  և ՀՀ վարչապետը կորոշեր՝ կա՞ այնտեղ խախտում, թե՞ չէ։ Ինքը շտապեց»,- ասաց Օսիպյանը։

    Հարցին՝ ո՞րն էր շտապողականության պատճառը՝ միգուցե դելետանտությունը․ «Ոստիկանությունը գործում է թափանցիկ, և անհիմն եմ համարում նմանատիպ խոսակցությունները»։

    Օսիպյանը նշեց, որ ոստիկանությունը ոչ մի վատ բան չի արել, որ պետության սեփականությունը հանդիսացող պետհամարանիշերի վրա հավելյալ լոգո է ցանկացել դնել կեղծիքներից խուսափելու համար։

    «10 տարուց ավել միայն մի կազմակերպություն է այդ մրցույթը շահել, ես աջակցել եմ, որ մեկ այլ կազմակերպություն մասնակցի մրցույթին, և հենց այդ մասնակցած կազմակերպության բողոքի հիման վրա է վարչապետին ներկայացրել այդ տվյալները ՊՎԾ-ն, դա աբսուրդ է»,- նշեց ոստիկանապետը։

    Օսիպյանը մանրամասներ ներկայացրեց մրցույթը շահած կազմակերպության մասին՝ նշելով, որ նա Ռուսաստանից էր և բողոքում էր, որ տարիներ շարունակ իրեն թույլ չեն տվել մասնակցել մրցույթին, և ինքը որոշել է աջակցել․«Եթե ես որևէ կաշկանդվածություն ունենայի, կշարունակեի այն ձեռագիրը, որ 10 տարի շարունակ եղել է»։


    Նման թեմաներ

    [wpbrzone id=9]
    scroll to top