Էրեբունի վարչական շրջանում և ոչ միայն այնտեղ, ամռան սեզոնին ջրի որակը էականորեն վատթարանում է: Այս մասին Երևանի քաղաքապետարանի գործակարգավարական նիստին ասաց Երևանի քաղաքապետ Տիգրան Ավինյանը:

«Մենք նախորդ տարի ենք խոսել այդ մասին, ի՞նչ պրոցես ունենք առհասարակ դրա հետ կապված»,- հարցրեց նա և ստացավ պատասխան, որ հիմնականում էրեբունի վարչական շրջանում էր զգացվում այդ խնդիրը, և աշխատանքներ  են տարվել ջրի մոտ 50 տոկոսը Գառնու ջրով փոխարինելու համար, որպեսզի բնակչության շրջանում այդքան արտահայտված խնդիր չզգացվի:

Անդրադառնալով Նոր Հաճնի ջրի հարցին՝ Տիգրան Ավինյանն ասաց. «Փաստորեն ոնց հասկանում եմ, ինդուստրիալ ծավալների ջրագողություն է տեղի ունենում»: Նա պատկան մարմինների ուշադրությունը հրավիրեց այս խնդրին:

298