Հայտնի աստղերի նախընտրելին․ Արա Վարդանյանի երանգը համաշխարհային ոսկերչության մեջ (լուսանկարներ)

Բաժանորդագրվեք araratnews-ի տելեգրամ ալիքին։

Հայկական ոսկերչության մասին փառքի ու շքեղության այս պատմության աշխարհագրությունն ընդլայնվում է մինչև Բրազիլիա։ Խոսքը Արա Վարդանյանի մասին է։

Քարերի հանդեպ սերը նրա արյան մեջ է, որի արդյունքում նրա զարդերը գեղեցկացնում են համաշխարհային աստղերին՝ տալով աներևակայելի գույներ ու փայլ։

Հայազգի Արա Վարդանյանը ծնվել է Լիբանանի Բեյրութ քաղաքում և ընդամենը 1 տարեկանում ընտանիքի հետ տեղափոխվել Բրազիլիա։

Հաստատվելով Սան Պաուլոյում՝ նրա հայրը դարձավ Բրազիլիայում ադամանդի և այլ թանկարժեք քարերի, ինչպես նաև եվրոպացի կարևոր դիզայներների ստեղծված զարդերի ամենահայտնի մատակարարներից մեկը:

Սկզբում նա փորձել է իրեն գտնել այլ ոլորտում․ սովորել է Բոստոնի համալսարանում տնտեսագիտություն և ավարտելուց հետո չորս տարի աշխատել Նյու Յորքում՝ որպես Nasdaq-ում մասնագիտացած վաճառող։

Բայց նրա ճակատագիրն արդեն որոշված էր․ 2000 թվականին Արան վերադարձավ Բրազիլիա և իր առաջին քայլերն արեց այդտեղ՝ աշխատելով հոր ընկերությունում: Զուգահեռաբար 2002 թվականին նա սկսեց ստեղծել սեփական զարդերը։ Շատ արագ հաջողության հասնելով՝ նրա արտադրանքը նույն տարում սկսեց վաճառվել միջազգային մակարդակով:

2005 թվականին Արան առանձնացավ և բացեց իր անունը կրող ապրանքանիշի ատելյեն։ Դասական զարդերի խոր իմացությամբ Արան մարտահրավեր նետեց քարերի օգտագործման գերիշխող տրամաբանությանը, մտքի մի ուղղություն, որը դարձավ նրա աշխատանքի էպիկենտրոնը: Որով էլ ստեղծվեցին հավերժական գործեր՝ կրելով հզոր շունչ և մեծ հույզեր։ Այդ ժամանակից սկսած Արան մշակել է նորարարական զարդերի նախագծեր, ներառյալ երկու և երեք մատանիներ՝ «Ութոտնուկի օղակներ», «ճարմանդներ», և յուրահատուկ կերպով սկսել է օգտագործել ադամանդներ։

«Ես միշտ ազնիվ եմ եղել իմ զգացմունքներում՝ կապված քարի և դիզայնի հետ հարաբերություններում»,- ասում է ոսկերիչը:

Միշտ բաց լինելով այլ ստեղծագործ մտքերի հետ երկխոսության և խրախուսման համար, ոսկերիչը համագործակցություն է զարգացրել ժամանակակից մեծ արվեստագետների հետ, ինչպիսիք են Յանաինա Տշապեն և նկարիչ Էռնեստո Նետոն:

2017 թվականին նա բրիտանացի սուպերմոդել Քեյթ Մոսի հետ համատեղ թողարկեց նոր հավաքածու, որը կոչվում էր Քեյթ Մոս X Արա Վարդանյան։

Նրանք ստեղծել են 27 կտորից բաղկացած աշխատանք, այդ թվում՝ մանդալա մատանիներ և կախազարդեր: Նա Քեյթ Մոսը վաղեմի ընկերն է։

Հավաքածուն արտահայտում է Մոսի շատ սիրելի ոճը, որտեղ ռոք-ն-ռոլը հանդիպում է բոհեմ դե լյուքսին: Քարերը, ներառյալ ամետիստը, ցիտրինը, նռնաքարը, ադամանդները և սուտակները համակցված են 18 կարատանոց ոսկու հետ՝ թանկարժեք, վինտաժային զգացողության համար:

Վարդանյանը բացել է իր առաջին մասնաճյուղը Բրազիլիայի Մեյֆեյր քաղաքում, ապա Լոնդոնում՝ Baron Saatchi-ի նախկին տան մի հատվածում։ Այս քայլը նա արել է Մոսի խորհրդով։

«Ես Քեյթի հետ հանդիպեցի մոտ հինգ տարի առաջ. նա խնդրեց ինձ մատանի ձևավորել իր համար: Նա եկավ իմ ցուցասրահ՝ Բրազիլիայում, տեսավ իմ բոլոր իրերը և ասաց ինձ՝ դու խե՞նթ ես։ Դու պետք է քո իրերը բերես Լոնդոն, ի՞նչ ես անում այստեղ»,- պատմում է Վարդանյանը։

Վարդանյանի ստեղծագործությունները կրել են հայտնի մարդիկ, այդ թվում՝ Նաոմի Քեմփբելը, Շակիրան, Պենելոպա Կրուսը և Մադոննան։