Բաժանորդագրվեք araratnews-ի տելեգրամ ալիքին։

Փարիզում անհայտ անձինք գողացել են Հարավային Սուդանի սպորտի և երիտասարդության քաղաքականության փոխնախարարի պայուսակը, որում եղել է 35 հազար դոլար։ Ըստ Valeurs Actuelles ամսագրի՝ խոսքը 2024 թվականի Օլիմպիական խաղերի ժամանակ երկրի պատվիրակությանը աջակցելու միջոցների մասին է։

Հրատարակության տվյալներով՝ միջադեպը տեղի է ունեցել կիրակի երեկոյան Վիլժյուիֆ արվարձանում գտնվող հյուրանոցում։ Պաշտոնյան իր պայուսակն առանց հսկողության է թողել հյուրանոցի նախասրահի սեղաններից մեկի վրա։ Սենյակում այդ պահին ներկա աշխատակիցները նշել են, որ ոչինչ չեն տեսել։

Պայուսակի մեջ եղել են նաև զարդեր, տուժողի փաստաթղթերը, նրա բջջային հեռախոսը և օլիմպիական վայրեր մուտք գործելու համար տարբեր անցագրեր: