Բաժանորդագրվեք araratnews-ի տելեգրամ ալիքին։
Ամռան ամիսներին Տավուշի մարզային գրադարանում իրականացվել է 8 ծրագիր, որոնք ունեցել են ավելի քան 283 մասնակից. գրանցվել է 53 նոր ընթերցող, այցելուների թիվը կազմել է 7056: Այս մասին հայտնում են ԿԳՄՍՆ-ից։
««Ստեղծագործում են պատանի ընթերցողները» և «Ամառը գրադարանում» կրթական ծրագրերում ընդգրկվել է 4-12 տարեկան 106 երեխա:
«Ստեղծագործում են պատանի ընթերցողները» կրթական ծրագրի շրջանակում երեխաները ներկայացրել են իրենց ստեղծագործությունները, քննարկել գրքի ստեղծման գաղափարը և կատարել ուղղագրական աշխատանքներ:
«Ամառը գրադարանում» կրթաժամանցային ծրագրի շրջանակում կազմակերպվել են միջոցառումներ, հեքիաթների աուդիո ձայնագրությունների լսումներ, մուլտֆիլմերի դիտումներ։
6-8 տարեկան երեխաների համար իրականացվել են նկարչության դասեր, ձեռքի աշխատանք, հեքիաթների ընթերցումներ, ասմունք, ուսուցողական խաղեր և բեմականացումներ:
Գրադարանը շարունակել է համագործակցությունը Մեդիա նախաձեռնությունների կենտրոնի աշխատակիցների հետ. «Մեդիագրագիտություն և փաստերի ստուգում» թեմայով կազմակերպվել է սեմինար։
Գրադարանի ամառային ծրագրերն ու հետաքրքիր նախաձեռնությունները նպաստել են հաճախումների, ամառային դպրոցի մասնակիցների թվաքանակի աճին և նոր ընթերցողների ներգրավմանը»,-ասված է հաղորդագության մեջ: