Բաժանորդագրվեք araratnews-ի տելեգրամ ալիքին։
ԱԺ «Հայաստան» խմբակցության պատգամավոր Մհեր Սահակյանի պաշտպանները տեղեկացրել են, որ ընդդիմադիր պատգամավորն իրեն առաջադրված մեղադրանքներից մեկով արդարացվել է, մեկով՝ մեղավոր ճանաչվել։
«2023թ. մարտի 31-ին խորհրդարանում տեղի ունեցած միջադեպի փաստով այսօր Երևան քաղաքի քրեական դատարանն ընդդիմադիր պատգամավոր Մհեր Սահակյանի վերաբերյալ կայացրել է վերդիկտ։
Դատարանը վճռել է.
1) խուլիգանության մեղադրանքով (ՔՕ 297 հոդվածի 1-ին մաս) Սահակյանին արդարացնել.
2) ծանրացնող հանգամանքով առողջությանը թեթև վնաս պատճառելու հոդվածը (ՔՕ 171 հոդվածի 2-րդ մաս) վերաորակել առանց ծանրացնող հանգամանքի՝ թեթև վնաս պատճառելու հոդվածի (նույն հոդվածի 1-ին մաս), և դրանում Սահակյանին ճանաչել մեղավոր։
Լրացուցիչ դատալսումները նշանակվել են հոկտեմբերի 1-ին»,- տեղեկացրել է պաշտպան Ռուբեն Մելիքյանը։