Բաժանորդագրվեք araratnews-ի տելեգրամ ալիքին։
ՀՀ ԱԺ նստաշրջանի հերթական նիստում «Քաղաքացիական պայմանագիր» խմբակցության պատգամավոր Խաչատուր Սուքիասյանը հարց ուղղեց Ֆինանսների նախարար Վահե Հովհաննիսյանին՝ կապված արտաքին վարկի համաձայնագրի վավերցաման հետ։
«Հետաքրքիր է, ամեն մի հարյուր միլիոն դոլար վերցրած վարկից, եթե ընդհանուր ուսումնասիրում ենք, ինչքա՞ն է գեներացվում։ Օրինակ՝ առաջին տարին ինչքա՞ն հարկ է գոյանում, ինչքա՞ն աշխատավարձ և ինչքա՞ն աշխատատեղ է ստեղծվում, կամ եթե դրանք չեն կատարվում, ապա ի՞նչ գեներացիա է ապահովում մեր վերցրած արտաքին գումարը։ Դա լավ բան է, նախօրոք ասեք, որ վարկեր վերցնելը պետության համար գեներացիա է ապահովում։ Դուք ունե՞ք այնպիսի հաշվարկ, որ վերցրել ենք 100 մլն դոլար 5 տարվա ընթացքում՝ ինչքա՞ն մեզ պետք է գեներացնի, ինչքա՞ն հարկ պետք է առաջացնի, ինչքա՞ն աշխատավարձ կամ աշխատատեղ ապահովի»,- փորձեց ճշտել պատգամավորը։
Հարցին ի պատասխան՝ Վահե Հովհաննիսյանը նշեց, որ երբ խոսվում է բյուջետային վարեկերի մասին, նրանց նպատակն է ֆինանսավորել բյուջեի դեֆիցիտը։
Սրան ի պատասխան՝ Սուքիասյանը նշեց. «Եեթե դնենք մի կողմ այն վարկերը, որոնք գալիս են նպատակային և ուղղվում են այս կամ այն ճյուղին, ապա ծախսային մասով վերցված վարկերը նշանակում են, որ պետք է լրացվի մի բաց տեղ»։
«Մեկ է, միջին հաշվարկ պետք է լինի ՀՀ եկած ընդհանուր օտար գումարից, ոչ թե գեներացված, մենք ապագայում ինչ ենք ունենալու։ Իհարկե, դուք ծախսային մասով ունենք երկու ուղղություն․ առաջին՝ պարտադիր ծախսեր են, և ունեք ծախսեր, որ գեներացիա են ապահովում, խոսքը այս տարանջատման մասին է»,- նշեց Սուքիասյանը։
Հովհաննիսյանը իր հերթին ասաց, որ այդպիսի հաշվարկված ցուցանիշ գոյություն չունի, որովհետև այն ուղղվում է այդ պակասուրդի ֆինանսավորմանը՝ հավելելով, որ պետք է հաշվարկել, թե այդ պակասուրդը ինչու է գոյացել։
Տեսանյութը՝ քիչ անց։