Բաժանորդագրվեք araratnews-ի տելեգրամ ալիքին։
Վրաստանի վարչապետ Իրակլի Կոբախիձեն հերքել է երկրի խորհրդարանական ընտրություններում խախտումների վերաբերյալ ընդդիմության մեղադրանքները և հավելել, որ նոր ընտրություններ չեն լինելու։
«Նախագահ Սալոմե Զուրաբիշվիլին և ընդդիմության առաջնորդները, ովքեր հրապարակայնորեն հայտարարեցին կեղծիքների մասին, հրաժարվում են համագործակցել դատախազության հետ և պահանջում են նոր ընտրություններ։ Շատ շուտով Կենտրոնական ընտրական հանձնաժողովը կամփոփի ընտրությունների արդյունքները, որից հետո տեղի կունենա խորհրդարանի առաջին նիստը և կնշանակվի կառավարություն»,-ասել է:
Ըստ վարչապետի՝ «ընդդիմությունը ցանկանում է իր աջակիցների աչքի առաջ փրկել իր դեմքը ընտրություններում բացարձակ պարտության համար»։
«Ընդդիմությունից ընտրված պատգամավորները կմտնեն խորհրդարան, թե ոչ, իրենց գործն է, բայց կարծում եմ, որ նրանք դեռ կմտնեն»,- ասել է Կոբախիձեն։
Վրաստանի Կենտրոնական ընտրական հանձնաժողովի տվյալներով՝ հոկտեմբերի 26-ին կայացած խորհրդարանական ընտրություններում հաղթել է իշխող «Վրացական երազանք» կուսակցությունը։
Խորհրդարանական ընտրություններում հաղթած ընդդիմադիր կուսակցությունները շարունակում են մեղադրանքներ հնչեցնել իշխանությունների հասցեին։ Այդպիսի չորս կուսակցություններ հրաժարվում են ճանաչել քվեարկության արդյունքները և պահանջում են նոր ընտրություններ նշանակել։