Բաժանորդագրվեք araratnews-ի տելեգրամ ալիքին։
ԱՄՆ նախագահ Դոնալդ Թրամփը Truth Social սոցիալական ցանցում հայտարարել է ՄԱԿ-ում մշտական ներկայացուցչի պաշտոնում ազգային անվտանգության նախկին խորհրդական Մայք Ուոլցի թեկնածության մասին։
«Ուրախ եմ հայտարարել, որ Մայք Ուոլցի առաջադրում եմ Միավորված Ազգերի Կազմակերպությունում Միացյալ Նահանգների հաջորդ դեսպանի պաշտոնում։ Համազգեստը հագին մարտադաշտում ծառայելիս, Կոնգրեսում և իմ ազգային անվտանգության խորհրդականի պաշտոնում աշխատելուց ի վեր Մայք Ուոլցը քրտնաջան աշխատել է մեր երկրի շահերը առաջին տեղում դնելու համար։ Գիտեմ, որ նա նույնը կանի նաև իր նոր պաշտոնում», - գրել է ԱՄՆ նախագահը։
Թրամփը հայտարարել է, որ պետքարտուղար Մարկո Ռուբիոն կշարունակի ղեկավարել Պետքարտուղարությունը և կծառայի որպես ազգային անվտանգության խորհրդականի ժամանակավոր պաշտոնակատար։
«Միասին մենք անխոնջ կշարունակենք պայքարել Ամերիկան և աշխարհը կրկին անվտանգ դարձնելու համար։ Շնորհակալություն այդ հարցի նկատմամբ ձեր ուշադրության համար»,- հավելել է Թրամփը։
Ավելի վաղ ամերիկյան լրատվամիջոցները հայտնել էին ԱՄՆ ազգային անվտանգության խորհրդականի պաշտոնից Մայք Ուոլցի հեռացման մասին։