Բաժանորդագրվեք araratnews-ի տելեգրամ ալիքին։
Պարետային ժամի սկսվելուց հետո հարյուրավոր մարդիկ երթով շարժվել են Լոս Անջելեսում։ Պարետային ժամը սկսվել է ժամը 20:00-ին (Երեւանի ժամանակով 7:00-ին): Բողոքն ուղեկցվել է վանդալիզմի գործողություններով։
Ցուցարարները նկարել են շենքերի վրա, ինչպես նաեւ ջրի պլաստիկ շշեր են նետել ուժայինների վրա, նրանց չեն պատասխանել։
Նախօրեին ԱՄՆ նախագահ Դոնալդ Թրամփի քաղաքականության հակառակորդները հայտարարել էին ամբողջ երկրում «No Kings» ակցիայի շրջանակներում զանգվածային ցույցերի մասին, որը պետք է տեղի ունենա հունիսի 14-ին ՝ Վաշինգտոնում ռազմական շքերթի օրը:
Հունիսի 6-ին Լոս Անջելեսում բողոքի ցույցեր են սկսվել ԱՄՆ ներգաղթի և մաքսային ոստիկանության կողմից անօրինական միգրանտներին հայտնաբերելու գործողությունների պատճառով: Ցույցերը մինչ օրս չեն հանդարտվում, ընդ որում՝ օրեցօր բողոքի ակցիաներն ավելի ագրեսիվ են դառնում։ Հաղորդվում է, որ Լոս Անջելեսում ցուցարարները թալանել են մի քանի տասնյակ առևտրային ձեռնարկություններ և միլիոնավոր դոլարների վնաս պատճառել տեղական բիզնեսին: