Բաժանորդագրվեք araratnews-ի տելեգրամ ալիքին։
Իլհամ Ալիևը կտրուկ լարում է Ռուսաստանի հետ առճակատման աստիճանը. Ադրբեջանը պատրաստում է փաստաթղթեր, որպեսզի միջազգային դատարաններ հայց ներկայացնի Ռուսաստանի դեմ՝ կապված «Ադրբեջանական ավիաուղիներ» (AZAL) ավիաընկերության ինքնաթիռի կործանման հետ։ Այս մասին գրում է «Коммерсантъ»-ը։
Քաղաքական գործիչը սրտնեղել է նրանից, որ Ադրբեջանի գլխավոր դատախազի՝ Ռուսաստանի քննչական կոմիտեի ղեկավար Ալեքսանդր Բաստրիկինին ուղարկված հարցումներին ի պատասխան ստանում է միայն «հետաքննությունը շարունակվում է» ձևակերպումը։
Նշենք, որ փետրվարին հրապարակվել է վթարի ենթարկված ինքնաթիռի անձնակազմի զրույցների ամբողջական ձայնագրությունը։ Դրանից հետևում է, որ ինքնաթիռի անձնակազմը ինքնուրույն որոշել է թռչել Բաքու, ապա՝ Ղազախստանի Ակտաու (հրաժարվելով վայրէջք կատարել Մախաչկալայի և Միներալնիե Վոդիի օդանավակայաններում), այն բանից հետո, երբ սկզբում երկու անգամ չի կարողացել վայրէջք կատարել Գրոզնիի օդանավակայանում։
Ակնհայտ է, որ սա ուղղակիերոն կապված է երկու երկրների միջև լարվածության հետ։ Հունիսի վերջին Ռուսաստանի և Ադրբեջանի միջև դիվանագիտական սկանդալ սկսվեց։ Դրա պատճառը Եկատերինբուրգում ադրբեջանական սփյուռքի անդամների զանգվածային ձերբակալություններն էին՝ քսան տարի առաջ կատարված սպանության գործով։ Ձերբակալությունների ընթացքում մահացան այս գործով երկու մեղադրյալները։ Ադրբեջանը սա համարեց իր դեմ գործողություն և դրան ի պատասխան՝ Բաքվում ձերբակալեց ավելի քան 10 ռուսի՝ թմրանյութերի մաքսանենգության և կիբեռհանցագործության կասկածանքով։ Դատարանում արված լուսանկարներում նրանց վրա երևում էին ծեծի հետքեր։
Այս ամենը շարունակվում է բողոքի նոտաներով, ձերբակալություններով և մեղադրանքերով։ Ադրբեջանի իշխանությունները անգամ որոշել են կասեցնել Ռուսաստանի հետ տնտեսական համագործակցությունը և հրաժարվել Մոսկվայի հետ որոշ խոշոր գործարար համաձայնագրերի շուրջ բանակցություններ վարելուց։