Բաժանորդագրվեք araratnews-ի տելեգրամ ալիքին։
ԱՄՆ նախագահ Դոնալդ Թրամփը օրինագիծ է ստորագրել արդեն հաստատված բյուջետային ծախսերից՝ միջազգային օգնության և հանրային հեռարձակման ֆինանսավորման ծրագրերից 9 մլրդ դոլարի կրճատման մասին:
Արդեն հատկացված 9 միլիարդ դոլարից մոտ 8 միլիարդը կվերադարձվի ԱՄՆ Միջազգային զարգացման գործակալության (USAID) ծրագրերից, որոնք ուղղված են համաճարակներից, պատերազմներից և բնական աղետներից հետո օտարերկրյա երկրներին օգնելուն։ Գործակալության փակվելուց հետո դրա որոշ գործառույթներ փոխանցվել են ԱՄՆ պետքարտուղարությանը։
Կվերադարձվի նաև 1,1 միլիարդ դոլարը, որն ուղղված է ամերիկյան հանրային հեռարձակման կորպորացիային՝ NPR և PBS հանրային հեռարձակողներին ֆինանսավորելու համար: Խոսքը ընկերությունների երկամյա բյուջեի մասին է։ Այդ գումարի մեծ մասը բաշխվում է ավելի քան 1500 տեղական հանրային ռադիոյի և հեռուստատեսային կայանի միջև՝ ամբողջ երկրում: