Բաժանորդագրվեք araratnews-ի տելեգրամ ալիքին։
Ռուսաստանի առաջարկը՝ տրամադրել վայր՝ Հայաստանի և Ադրբեջանի միջև խաղաղության համաձայնագրի ստորագրման համար, ուժի մեջ է մնում։
Այս մասին РИА Новости-ին հայտնել է Ռուսաստանի փոխարտգործնախարար Միխայիլ Գալուզինը՝ Araratnews.am-ի փոխանցմամբ։
«Մեր առաջարկը՝ տրամադրել վայր՝ Հայաստանի և Ադրբեջանի միջև վերջնական խաղաղության համաձայնագրի ստորագրման համար, ուժի մեջ է մնում», - ասել է Գալուզինը Հայաստանի անկախության օրվան նվիրված ընդունելության ժամանակ։
Նա հավելել է, որ ռուսական կողմը հատուկ նշանակություն է տալիս երկրների միջև հարաբերությունների կարգավորմանը։
«Ակնհայտ է, որ մեր ծրագրերը գործնականում իրականացնելու համար դեռ շատ անելիքներ կան։ Մենք պատրաստ ենք Երևանին և Բաքվին տրամադրել անհրաժեշտ ողջ օգնությունը՝ մնացած տարաձայնությունները հաղթահարելու համար, այդ թվում՝ հաշվի առնելով Ռուսաստանի, Հայաստանի և Ադրբեջանի ղեկավարների եռակողմ հայտարարությունները», - նշել է Գալուզինը։
Նա ընդգծել է, որ Ռուսաստանը նշանակալի և արդյունավետ դեր է խաղացել Երևանի և Բաքվի միջև կարգավորման գործընթացում։