Բաժանորդագրվեք araratnews-ի տելեգրամ ալիքին։
Կտրիճ Ներսիսյանը կարգալույծ է հռչակել Թալինի տարածաշրջանի հոգևոր հովիվ Տ․ Թադե քահանա Թախմազյանին։ Ըստ Մայր Աթոռի տարածած տեղեկատվության՝ հիմք է ծառայել Արագածոտնի թեմի Վարչական խորհրդի զեկուցագիրը և Հայաստանյայց Առաքելական Սուրբ Եկեղեցու Մայր Աթոռ Սուրբ Էջմիածնի Պարգևների շնորհման և կարգապահական հարցերի հանձնախմբի եզրակացությունը, թե Տ․ Թադե քահանան, իբր՝
«ա/ վարկաբեկել է Հայ Եկեղեցին և եկեղեցականներին, այդ թվում՝ հրապարակային զրպարտիչ հայտարարություն տարածելով,
բ/ իրականացրել է հակաեկեղեցական գործողություններ՝ մասնակցելով կարգալույծ հռչակված անձի մեղքին,
գ/ պատարագներին Ամենայն Հայոց Կաթողիկոսի և Թեմակալ առաջնորդի անունների հիշատակության հատվածը կամայականորեն զեղչել է՝ փաստացի ժխտելով նվիրապետական կարգը, իրեն դուրս դնելով Եկեղեցուց և, ըստ էության, հարելով հերձվածողական շարժմանը,
դ/ եկեղեցական իշխանության նկատմամբ դրսևորել է անհնազանդություն»:
Այդպիսով Տեր Թադե քահանային Կտրիճ Ներսիսյանը կարգալույծ է հռչակել և դասել աշխարհականների շարքին՝ Արամայիս Թախմազյան ավազանի անունով:
Հիշեցնենք, որ նոյեմբերի 9-ին Թալինի Սբ Աստվածածին եկեղեցում մատուցվել է պատարագ՝ Տեր Թադե Թախմազյանի ձեռամբ, ներկա է եղել նաև վարչապետը: