Բաժանորդագրվեք araratnews-ի տելեգրամ ալիքին։
Այսօր Պետական եկամուտների կոմիտեի նախագահ Էդուարդ Հակոբյանի նախագահությամբ տեղի է ունեցել ՊԵԿ ենթակառուցվածքների և վարչական շենքերի կառուցման ու արդիականացման խորհրդի հերթական նիստը։
Նիստի ընթացքում ներկայացվել է Մեղրիի և Բագրատաշենի ցամաքային անցակետերի վերակառուցման և տեխնիկական արդիականացման ծրագրերի ընթացքը։ Մասնավորապես, բարձրաձայնվել են շինարարական աշխատանքների ընթացքում առաջացած հիմնական խնդիրներն ու մտահոգությունները: Առավել խորքային հարցերի վերհանմամբ քննարկվել են դրանց լուծման հնարավոր տարբերակները՝ միաժամանակ կարևորվելով արդյունավետ և համակողմանի հաղորդակցության դերը։
Նիստում քննարկվել են նաև ՊԵԿ ենթակառուցվածքների զարգացմանն ուղղված այլ ծրագրեր, մասնավորապես՝ Երևանի և Սյունիքի մաքսային ու լոգիստիկ կենտրոնների կառուցման աշխատանքների ընթացքը։
ՊԵԿ նախագահը, ողջունելով ներկաներին, ընդգծել է ծրագրերի արդյունավետ համակարգման համար բոլոր շահագրգիռ կողմերի լիարժեք ներգրավվածության կարևորությունը։ Նա մատնանշել է, որ առավել տեսանելի և արդյունավետ արդյունքներ ապահովելու նպատակով անհրաժեշտ է հստակ սահմանել առաջիկա գործողությունների շրջանակը՝ միաժամանակ ապահովելով որոշումների ժամանակին ընդունումն ու դրանց հետևողական իրականացումը։
Հանդիպման ավարտին սահմանվել են առաջիկա անելիքներն ու ծրագրերի հաջորդ փուլերի իրականացման քայլերը։