Բաժանորդագրվեք araratnews-ի տելեգրամ ալիքին։
Վիեննայում Հայաստանի դեսպանությունից հայտնում են, որ հունիսի 26-ին ՀՀ մշտական ներկայացուցիչ, ՄԱԿ Թմրամիջոցների հարցերով հանձնաժողովի նախագահ Անդրանիկ Հովհաննիսյանի նախագահությամբ Վիեննայի միջազգային կենտրոնում կայացել է Թմրամիջոցների դեմ պայքարի համաշխարհային օրվան նվիրված բարձրաստիճան միջոցառում՝ «Թմրամիջոցների համաշխարհային խնդիրը. տևական հարցեր, արդի մարտահրավերներ և նորարարական արձագանքներ» խորագրով։
Միջոցառմանը բացման ելույթներով հանդես են եկել դեսպան Անդրանիկ Հովհաննիսյանը և ՄԱԿ Թմրամիջոցների և հանցավորության հարցերով գրասենյակի գործադիր տնօրեն Մոնիկա Քաթինա Ջուման։
Միջոցառման ընթացքում տեղի է ունեցել Թմրամիջոցների՝ 2026 թ. համաշխարհային զեկույցի շնորհանդեսը։ ՄԱԿ Թմրամիջոցների և հանցավորության հարցերով գրասենյակի կողմից պատրաստված զեկույցը մանրամասն ներկայացնում է թմրամիջոցների համաշխարհային շուկայի զարգացումները, ապօրինի շրջանառության միտումները, ինչպես նաև թմրամիջոցների դեմ պայքարի համաշխարհային քաղաքականության վրա ազդող հիմնական մարտահրավերները։