Բաժանորդագրվեք araratnews-ի տելեգրամ ալիքին։
Իսրայելի պաշտպանության նախարար Իսրայել Կացը կարծում է, որ Իրանի հետ պատերազմի վերսկսումը հնարավոր է առաջիկա օրերին։
«Արդեն վաղը մենք կարող ենք հայտնվել Իրանի հետ պատերազմական իրավիճակում։ Ես հաստատում եմ մեր քաղաքականությունը. եթե Իրանը հրթիռներ արձակի Իսրայելի վրա, Իսրայելը ուժով կհարվածի Իրանին։ Սա կարող է տեղի ունենալ մի քանի օրվա ընթացքում։ Իսրայելի պաշտպանության բանակը սպասում է դրան և գտնվում է բարձր մարտական պատրաստվածության վիճակում»,- ասել է Կացը ճեպազրույցի ժամանակ։
Նրա խոսքերը մեջբերել է Ynet հարթակը։
Իսրայելի պաշտպանության նախարարության ղեկավարի խոսքով՝ Իրանի հետ պատերազմի վերսկսման երկու սցենար կա։
«Առաջինը, եթե Թրամփը որոշի, որ բանակցությունները սպառված են և որոշի հարձակվել, իսկ երկրորդը՝ եթե Իրանը հարձակվի Իսրայելի վրա»,- ասել է նա։