Բաժանորդագրվեք araratnews-ի  տելեգրամ ալիքին։

ՖԻՖԱ-ն պաշտոնապես պարզաբանել է իր՝ Խորվաթիայի Աշխարհի առաջնության 1/8 եզրափակչում Պորտուգալիայի դեմ խաղում 90+13-րդ րոպեին խփված գոլը չեղյալ համարելու որոշումը՝ ուժի մեջ թողնելով նորվեգացի մրցավար Էսպեն Էսկաուսի գործողությունները։

Տորոնտոյում խաղի ավելացված ժամանակում խորվաթ պաշտպան Յոշկո Գվարդիոլը հավասարեցրեց հաշիվը։ Սակայն մրցավարը, օգտագործելով VAR համակարգը, չեղյալ հայտարարեց գոլը՝ այն համարելով խաղից դուրս։

Հայտնի է դարձել, որ գնդակը Գվարդիոլին հասնելուց առաջ Մարիո Պաշալիչը գտնվել է խաղից դուրս վիճակում, իսկ գնդակը նրան էր փոխանցվել հարձակվող Իգոր Մատանովիչի հպումից հետո, որն օդային պայքարի մեջ էր մրցակցի հետ։

«Աշխարհի առաջնության պաշտոնական գնդակում՝ Trionda-ում, ներդրված Connected Ball Technology-ի կողմից տրամադրված տվյալների համաձայն՝ ապացուցվել է, որ Խորվաթիայի 20-րդ համարի խաղացող Իգոր Մատանովիչը գոլից առաջ դիպչել է գնդակին․ տվյալները թույլ են տվել մրցավարին ճիշտ որոշել խաղից դուրս վիճակ և չեղարկել գոլը։

«Trionda գնդակի ներսում գտնվող IMU սենսորները կարող են հայտնաբերել նույնիսկ ամենափոքր շփումը՝ մրցավարներին տրամադրելով աննախադեպ քանակությամբ տվյալներ՝ արագ և ճշգրիտ որոշումներ կայացնելու համար»,- ասվում է ՖԻՖԱ-ի հայտարարության մեջ։