Բաժանորդագրվեք araratnews-ի տելեգրամ ալիքին։
Ատոմային էներգիայի միջազգային գործակալության (ՄԱԳԱՏԷ) գլխավոր տնօրեն Ռաֆայել Գրոսսին հայտարարել է, որ ցանկացած ատոմակայանի վրա հարձակումները, անկախ գտնվելու վայրից, անընդունելի են։
«Ես ուզում եմ հղել շատ կարևոր և հստակ ուղերձ, որը քննարկվում է ՄԱԿ-ի Անվտանգության խորհրդում և ՄԱԳԱՏԷ-ի կառավարիչների խորհրդում. ցանկացած ատոմակայանի վրա ցանկացած հարձակում անհնար է և անընդունելի»,- ասել է նա լրագրողների հետ զրույցում՝ «Ռոսատոմ» պետական կորպորացիայի գլխավոր տնօրեն Ալեքսեյ Լիխաչովի հետ բանակցություններից հետո։
«Անկախ նրանից, թե դա Զապորոժյեի ԱԷԿ-ն է, Բուշեհրը, Բարաքահը, թե Կուրսկը։ Ես որևէ տարբերակում չեմ տեսնում միջուկային օբյեկտների անվանումներում»,- ընդգծել է Գրոսսին։
ՄԱԳԱՏԷ-ի գլխավոր տնօրենը նշել է, որ գործակալությունը ներկայումս չի դիտարկում կամ հաստատում Իրանի Բուշեհր քաղաքում գտնվող ատոմակայանի վրա որևէ ուղղակի հարձակում։