Բաժանորդագրվեք araratnews-ի տելեգրամ ալիքին։
Միացյալ Նահանգները համաշխարհային պատմության մեջ ամենամեծ նավթային գործարքն է կնքել Վենեսուելայի հետ՝ հայտարարել է Դոնալդ Թրամփը:
«Իմ ցուցումով պետքարտուղար Մարկո Ռուբիոն և պատերազմի նախարար Փիթ Հեգսեթը, սերտորեն համագործակցելով Վենեսուելայի շատ հարգված ժամանակավոր նախագահ Դելսի Ռոդրիգեսի հետ և մասնավոր բիզնեսի հետ համագործակցության միջոցով, ԱՄՆ-ի վերահսկողությունն են ապահովել ավելի քան 65 միլիարդ բարել վենեսուելական նավթի հաստատված պաշարների վրա՝ առանց ամերիկյան հարկատուների համար ծախսերի»,- գրել է ԱՄՆ նախագահը Truth Social-ի իր էջում:
Նրա խոսքով՝ գործարքի շնորհիվ ԱՄՆ նավթի պաշարները կրկնապատկվում են, զգալիորեն մեծանում է մեր նավթի մատակարարումը և ապագայում՝ նվազում գազի գները բոլոր ամերիկացիների համար:
«Այս գործարքը զգալիորեն կամրապնդի Վենեսուելայի և Միացյալ Նահանգների միջև առանց այդ էլ աճող հարաբերությունները»,- հավելել է Սպիտակ տան ղեկավարը: