Բաժանորդագրվեք araratnews-ի տելեգրամ ալիքին։
Ալժիրի իշխանությունները խզում են դիվանագիտական հարաբերությունները Արաբական Միացյալ Էմիրությունների հետ. այս մասին հինգշաբթի հայտնել են ալժիրյան լրատվամիջոցները՝ վկայակոչելով երկրի արտաքին գործերի նախարարության հայտարարությունը։
Որոշումը կայացվել է այն բանից հետո, երբ ըստ հայտարարության՝ սպառվել են «երկկողմ հարաբերությունները պահպանելու բոլոր ուղիները»։
Ֆրանսալեզու լրատվամիջոցների տվյալներով՝ վերջին տարիներին Ալժիրի և ԱՄԷ-ի միջև լարվածություն է առկա եղել։ Ալժիրը բազմիցս մեղադրել է Աբու Դաբիին իր ներքին գործերին, այդ թվում՝ ընտրություններին միջամտելու մեջ։
Վերջին տարիներին երկու երկրները հաճախ հակադիր դիրքորոշումներ են որդեգրել տարածաշրջանային մի շարք հակամարտությունների հարցում։ Բացի այդ, ԱՄԷ-ն աջակցում է Մարոկկոյին՝ Ալժիրի հետ ունեցած տարածքային վեճում։