Բաժանորդագրվեք araratnews-ի տելեգրամ ալիքին։
ՆԳՆ քրեական ոստիկանության գլխավոր վարչությունում օպերատիվ տեղեկություն էր ստացվել, որ օտարերկրյա քաղաքացի մի տղամարդ Հայաստանում զբաղվում է թրաֆիքինգով։
Ինչպես հայտնել է ՆԳՆ ոստիկանությունը, քրեական ոստիկանները օպերատիվ-հետախուզական միջոցառումների արդյունքում փաստական տվյալներ են ձեռք բերել, որ նա հավաքագրել և բարձր աշխատավարձ վճարելու կեղծ խոստումով Հայաստան է տեղափոխել երկու օտարերկրացու, ապա վերցնելով նրանց անձնագրերը և օգտվելով անօգնական վիճակից՝ Երևան քաղաքի Քըրք Քըրքորյան փողոցում գտնվող հյուրանոցներից մեկում ստիպել է կատարել համակարգչային հափշտակություններ։
Հետագա միջոցառումներով քրեական ոստիկանները պարզել են, որ վերոհիշյալ քաղաքացու համակարգմամբ նշված հյուրանոցում համակարգչային հափշտակությամբ է զբաղվում նաև օտարերկրյա 39 այլ քաղաքացի։
Նախաձեռնվել է քրեական վարույթ։ Նա կալանավորվել է։