Փետրվարի 27-ին ԻԻՀ-ում ՀՀ դեսպան Արտաշես Թումանյանն այցելել է 2020թ․ Արցախյան պատերազմում զոհված Ավետիս Պուլուզյանի ընտանիքին։

Ա․ Թումանյանն իր ցավակցությունն ու զորակցությունն է հայտնել Ավետիս Պուլուզյանի տատիկին՝ Զաբել Պուլուզյանին։

Ավետիսի հայրը՝ Արա Պուլուզյանը, 1993 թվականին Թեհրանից մշտական բնակության է մեկնել Ստեփանակերտ և 1999 թվականին ընտանիք կազմել Անժելա Զաքարյանի հետ, ունեցել երեք զավակներ՝ Ավետիսը և նրա երկու կրտսեր քույրերը՝ Անուշը և Աննան։

Ավետիսը 2018 թվականին ընդունվել է ԵՊԲՀ ընդհանուր բժշկության ֆակուլտետ, իսկ 2019 թվականին՝ անցել զինվորական ծառայության։

Զոհվել է 2020 թվականի հոկտեմբերի 10-ին՝ վիրավոր զինակցին օգնություն ցուցաբերելու պահին։

ՀՀ դեսպանը խնդրել է Զաբել Պուլուզյանին իր ցավակցությունը և երախտագիտությունը հայտնել Պուլուզյաննների ողջ ընտանիքին։

 

1302