Հուլիսի 17-ին՝ ժամը 19:00-ին Ա․ Սպենդիարյանի անվան օպերայի և բալետի ազգային ակադեմական թատրոնում տեղի կունենա «Բեթհովեն» խորագրով համերգային երեկո։   Թատրոնի ճեմասրահում ելույթ կունենա թատրոնի մեներգչուհի, մեցցո-սոպրանո  Վարսենիկ Ավանյանը։  

Ծրագրում կհնչեն Լյուդվիգ վան Բեթհովենի հազվադեպ կատարվող վոկալ-կամերային ստեղծագործությունները։ Այդ ստեղծագործությունների թվում է վեց երգերից բաղկացած վոկալ շարքը՝ գրված Կ․ Գելլերտի հոգևոր թեմատիկայով բանաստեղծությունների հիման վրա, և կոմպոզիտորի կողմից մշակած ժողովրդական երգերից մի քանիսը (դանիական, ռուսական, գերմանական, ուկրաինական)։  Բացի վոկալ ստեղծագործություններից, համերգին կհնչեն Բեթհովենի դաշնամուրային տրիոյի (op. 11) երկրորդ մասը՝ ադաջոն և թիվ 23 սոնատի երրորդ մասը։ 

Երեկոյին Վ․ Ավանյանի հետ մեկ բեմում հանդես կգան նվագախմբի գլխավոր կոնցերտմայստեր, ՀՀ վաստակավոր արտիստ Գայանե Աբրահամյանը,  թավջութակների խմբի կոնցերտմայստեր Գառնիկ Ենգիբարյանը և դաշնակահարուհի Ելենա Վաարդազարյանը։

127