Որքան մարդ է այս պահի դրությամբ պատվաստվել. Ավանեսյան
Այսօր կառավարության նիստի ժամանակ վարչապետի պաշտոնակատար Նիկոլ Փաշինյանի հարցին ի պատասխան՝ առողջապահության նախարարի պաշտոնակատար Ավանեսյանը անդրադարձավ նաև պատվաստումների գործընթացի ակտիվությանը: «Պատվաստումների նկատմամբ ակտիվությունն անընդհատ աճում է: Եվ մենք 163 հազար պատվաստում ենք իրականացրել»,- ասաց նա:
Նախարարի պաշտոնակատարի խոսքով՝ կառավարության որոշման արդյունքում ձեռք բերվող պատվաստանյութերի արագ մատակարարումը կխթանի պատվաստման գործընթացը: «Սա կարևորագույն երաշխիք է աշնանը՝ նոր ուսումնական տարվա մեկնարկին, ունենալ ավելի շատ պատվաստված անձինք»,- ասաց Ավանեսյանը:
29 Հուլիս, 2021 15:34
1665