«Դինամո» մարզադահլիճում մեկնարկել է բռնցքամարտի Հայաստանի մեծահասակների առաջնությունը՝ հաղորդում է Հայաստանի բռնցքամարտի ծառայությունը։ 

Մեդալներ են խաղարկվում 13 քաշային կարգերում։ Մրցումային առաջին օրը հաղթանակներ են տոնել 51 կգ քաշային Ռուդոլֆ Գաբոյանը, 60 կգ քաշային Ժորժիկ Մարությանը, 63.5 կգ քաշայիններ Բենիկ Նիկողոսյանն ու Դավիթ Ազիզյանը, 67 կգ քաշայիններ Սերյոժա Հարությունյանն ու Հայրիկ Նազարյանը, 71 կգ քաշայիններ Գառնիկ Ծատուրյանն ու Արտուշ Հովհաննիսյանը և 86 կգ քաշայիններ Մելքոն Մելքոնյանը, Ռաֆայել Հովհաննիսյանն ու Արտյոմ Գալստյանը։ Առաջնության արդյունքների հիման վրա հավաքականի նորանշանակ գլխավոր մարզիչ Կարեն Աղամալյանը կձևավորի Հայաստանի հավաքականի կազմը, որը կմասնակցի Սերբիայում կայանալիք աշխարհի առաջնությանը։

1071