ԵՄ անդամ մի շարք երկրներ՝ Ֆրանսիան, Իսպանիան, Չեխիան, Ռումինիան և Հունաստանը, առաջարկել են հետաքննություն սկսել Եվրոպայում գազի գնի ռեկորդային թռիչքի պատճառները հասկանալու համար։ Այս մասին նրանք հանդես են եկել համատեղ հայտարարությամբ: «Գազի եվրոպական շուկայի գործունեությունը պետք է հետաքննվի` հասկանալու համար, թե ինչու են ներկայիս գազի պայմանագրերը անբավարար»,- ասվում է հայտարարության մեջ:

Հինգ երկրները նաև կոչ են արել գազի պաշարների վերաբերյալ ընդհանուր կանոններ սահմանել գների աճը մեղմելու համար: Հայտարարությունը նաև առաջարկում է գնումների համակարգման բարձրացում` ընդհանուր դիրքը բարելավելու համար: Փաստաթղթում նշվում է, որ սա թվարկված հինգ երկրների էկոնոմիկայի և ֆինանսների նախարարների համատեղ հայտարարությունն է: 

 

1276