Հայ-ադրբեջանական սահմանին վերջին կրակոցները ցույց տվեցին, որ իրավիճակը այս տարածաշրջանում դեռ ամբողջությամբ չի հանդարտվել, այս պայմաններում մեծանում է ռուսական դիվանագիտության դերը հետագա կարգավորման համար, ասել է ՌԴ նախագահ Վլադիմիր Պուտինը։
Նա հիշեցրեց, որ մեկ տարի առաջ Ռուսաստանի ակտիվ միջնորդական ջանքերի շնորհիվ Լեռնային Ղարաբաղում հակամարտությունը դադարեցվեց։
«Սակայն հայ-ադրբեջանական սահմանին վերջին փոխհրաձգությունները ցույց տվեցին, որ իրավիճակը այս տարածաշրջանում դեռ ամբողջությամբ չի հանդարտվել։ Կայունության ապահովման համար ռուսական խաղաղապահ զորախմբի ջանքերը՝ որպես հրադադարի և խաղաղ բնակչության անվտանգության երաշխավոր, մեծ պահանջարկ ունեն»,- ասել է Պուտինը՝ ելույթ ունենալով Ռուսաստանի Դաշնության արտաքին գործերի նախարարության կոլեգիայում։
«Միանշանակ, ռուսական դիվանագիտության դերը Ադրբեջանի և Հայաստանի միջև վեճերի կարգավորմանն ուղղված ջանքերի շարունակման գործում մեծանում է»,- ընդգծել է ՌԴ ղեկավարը։