Աֆղանստանի «Ինքնահռչակ իսլամական էմիրության» ղեկավարությունը հրամանագիր է հրապարակել կանանց իրավունքների մասին։ Այս մասին այսօր՝ դեկտեմբերի 3-ին, Twitter-ի իր էջում հայտնել է թալիբների կառավարությունում տեղեկատվության եւ մշակույթի փոխնախարար Զաբիհուլլա Մուջահիդը։

Հրամանագիրը ստորագրել է թալիբների  գերագույն առաջնորդ Խայբաթուլլա Ախունդզադան։ Հրամանագրում ասվում է, որ կնոջը չի կարելի ստիպել ամուսնանալ, և որ նա չի կարող լինել «հրադադարի կամ թշնամանքի դադարեցման առարկա» տղամարդկանց միջև։ Ամուսնու մահվան դեպքում այրին իրավունք ունի ժառանգելու նրա ունեցվածքի մի մասը և ինքնուրույն որոշելու իր ապագա ճակատագիրը։

520