ԱՄՆ սննդամթերքի ու դեղորայքի որակի վերահսկողության սանիտարական ծառայությունը հավանության է արժանացրել կորոնավիրուսի բուժման համար նախատեսված առաջին դեղամիջոցը՝ Paxlovid -ը։
Դեղամիջոցն արտադրում է Pfizer ընկերությունը։ Այն կվաճառվի դեղատոմսով և անհրաժեշտ է օգտագործել կորոնավիրուսի ախտանշանների ի հայտ գալուց և վիրուսի առկայությունը հաստատելուց անմիջապես հետո։
«Սա համավարակի դեմ պայքարի կարևոր քայլն է»,- հայտարարել է դեղորայքի և հետազոտությունների գնահատման կենտրոնի՝ FDA -ի ղեկավար Պատրիցիա Կացազոնին։
Paxlovid դեղամիջոցն իրենից ներկայացնում է դեղահաբ։ Դրա օգտագործումը ցուցված է 12 տարեկանից բարձր տարիքի անձանց մոտ COVID-19-ի թեթև և միջին ծանրության դեպքերի համար։
Միևնույն ժամանակ դեղամիջոցի հեղինակները նշում են, որ պատվաստումը շարունակում է մնալ շատ կարևոր։
FDA -ն համարում է, որ դեղամիջոցի արդյունավետությունը գերազանցում է պոտենցիալ ռիսկերը։