Տիգրան Պետրոսյանի անվան շախմատի տանը մեկնարկեցին Հայաստանի շախմատի կանանց և տղամարդկանց առաջնությունները:

«Արմենպրես»-ի հաղորդմամբ` տղամարդկանց մրցաշարի անդրանիկ տուրում հաղթանակներ տոնեցին Հայկ Մարտիրոսյանը, Հովհաննես Գաբուզյանը, Դավիթ Շահինյանը: Ոչ-ոքիներ գրանցվեցին Սարգսյան-Պետրոսյան, Անդրիասյան-Փաշիկյան, Միքայելյան-Տեր-Սահակյան զույգերի պարտիաներում:

Կանանց մրցաշարում հաղթանակներ տարան Սուսաննա Գաբոյանը և Նարե Առաքելյանը: Մյուս պարտիաներն ավարտվեցին ոչ-ոքի:

Երկրորդ տուրը կկայանա հունվարի 13-ին:

416