ՌԴ նախագահ Վլադիմիր Պուտինը հայտարարել է Ուկրաինայում հատուկ գործողության ընթացքում զոհված ռուս զինվորների ընտանիքներին հավելյալ վճարումներ կատարելու մասին։ Երկրի ղեկավարի խոսքով՝ իրենք 5 մլն ռուբլի կստանան՝ ի հավելումն օրենքով նախատեսված գումարի։

«Ուկրաինայում հատուկ ռազմական գործողության ժամանակ զոհված զինծառայողների ընտանիքների բոլոր անդամներին կփոխանցվի օրենքով նախատեսված ապահովագրական ծածկույթը և միանվագ նպաստները, դա 7 միլիոն 421 հազար ռուբլի է: Յուրաքանչյուրին կտրվի նաև ամսական դրամական փոխհատուցում»,- հայտարարել է պետության ղեկավարը Ռուսաստանի Դաշնության Անվտանգության խորհրդի մշտական ​​անդամների հետ հանդիպմանը։

«Բայց, ի լրումն, անհրաժեշտ եմ համարում հավելավճար սահմանել զոհված զինծառայողի յուրաքանչյուր ընտանիքին, ռազմական անձնակազմին և գործողությանը մասնակցող այլ իրավապահ մարմինների աշխատակիցներին՝ 5 միլիոն ռուբլու չափով», - ասել է Պուտինը:

Նա հայտարարել է նաև հատուկ գործողության ընթացքում վիրավորներին հավելյալ վճարումներ կատարելու մասին։

 

1182