Ֆրանսիայի էկոլոգիական անցման նախարար Բարբարա Պոմփիլին France Info ռադիոկայանի եթերում ասել է, որ Եվրամիությունում  ռուսական նավթի էմբարգոյի վերաբերյալ համաձայնությունը կարող է ձեռք բերվել մինչև այս շաբաթվա վերջ՝ մայիսի 8-ը։ 

Նրա խոսքով, այս թեմայով քննարկումները նորմալ են, քանի որ ԵՄ տարբեր երկրներ տարբեր աստիճանի կախվածություն ունեն ռուսական նավթից։ Պայմանագրերի ձևակերպումները, որոնց համաձայն այս պատժամիջոցները կարող են կիրառվել, այժմ Բրյուսելում ընթացող քննարկումների առարկա է։

«Կարծում եմ, որ մենք համաձայնության կգանք մինչև շաբաթվա վերջ», - եզրափակել է Պոմփիլին:

Ավելի վաղ Reuters-ը հայտնել էր, որ ԵՄ երկրների մշտական ​​ներկայացուցիչներին դեռ չի հաջողվել համաձայնության գալ ռուսական նավթի ներկրման վրա էմբարգո սահմանելու վերաբերյալ։

476