Ոստիկանության Լոռու մարզային վարչության տարածքային ստորաբաժանումների ծառայողները շարունակում են բնակչության հետ ակտիվ բացատրական աշխատանք իրականացնել՝ ապօրինի պահվող զենք-զինամթերքի կամավոր հանձնման ուղղությամբ։
Արդյունավետ էր Վանաձոր քաղաքի Բազումի բաժնի ծառայողների բացատրական աշխատանքը, ինչի շնորհիվ բաժնում արձանագրվել է «Կալաշնիկովի» գնդացրի և պայթուցիչով նռնակի կամավոր հանձնման դեպք։
Բացատրական աշխատանք են իրականացրել նաև Ստեփանավանի բաժնի համայնքային ոստիկաններն ու անչափահասների գործերով ծառայողները, ինչի շնորհիվ բաժնում արձանագրվել են ատրճանակի և հրացանների կամավոր հանձնման դեպքեր։
Տաշիրի բաժնի ոստիկանների բացատրական աշխատանքի շնորհիվ էլ արձանագրվել է հրացանի, նռնակի և այլ ռազմամթերքի կամավոր հանձնման դեպք։
Ոստիկանությունը հորդորում է ապօրինի զենք-զինամթերքը կամավոր հանձնել ոստիկանություն՝ քրեական պատասխանատվությունից խուսափելու համար։