Հաստանի Հանրապետության Ազգային ժողովն օգոստոսի 22-ից ավագ դպրոցների ավարտական դասարանների աշակերտների համար կազմակերպում է երկշաբաթյա անվճար ամառային դպրոց, որտեղ կդասավանդվեն քաղաքագիտական, հասարակագիտական առարկաներ:

Այս մասին հայտնում է ԱԺ մամուլի խոսնակ Ծովինար Խաչատրյանը։

Դասերի ընթացքում պատգամավորների և մի շարք գերատեսչությունների ղեկավարների հետ կկազմակերպվեն հանդիպումներ, կապահովվի հետաքրքիր, գիտելիքով ու տեղեկատվությամբ հագեցած դասընթաց: Դպրոցի հանդիսավոր փակմանը մասնակիցները կստանան հավաստագրեր:

«Ամառային դպրոցի» դասընթացներին կարող են մասնակցել Ազգային ժողովի կողմից հայտարարված մրցույթի հաղթողները:

Մրցույթի պայմաններն են՝

1. Ներկայացնել համապատասխան փաստաթղթեր՝ առաջադիմության թերթիկ՝ բարձր առաջադիմության, ավարտական դասարան տեղափոխվելու վերաբերյալ, ինչպես նաև ծննդյան վկայական կամ անձնագիր:

2. Մեկ համակարգչային էջի սահմանում շարադրված մոտիվացիոն նամակ՝ «Ինչո՞ւ հենց ես պետք է մասնակցեմ «Ամառային դպրոցին»» խորագրով:

3. Մեկուկես էջի սահմանում էսսե՝ «Ի՞նչ կփոխեի իմ երկրում» վերնագրով:

Հայտերն ընդունվում են մինչև 2022թ. օգոստոսի 18-ը [email protected]
էլեկտրոնային հասցեով:

Հարցերի և լրացուցիչ տեղեկությունների համար զանգահարել՝ 077 958988 հեռախոսահամարով:

1356