Սաուդյան Արաբիայի առաջնության 22-րդ տուրի խաղում «Ալ-Նասրը», որում հանդես է գալիս պորտուգալացի ֆուտբոլիստ Կրիշտիանու Ռոնալդուն, հյուրընկալվելիս ջախջախել է «Ալ-Ադալին»։

Երեքշաբթի օրը Էլ-Խասա քաղաքում կայացած հանդիպումն ավարտվել է 5։0 հաշվով՝ հօգուտ  հյուրերի։ Ռոնալդուն երկու գոլի հեղինակ է դարձել՝ աչքի ընկնելով 40-րդ և 66-րդ րոպեներին։ Նա առաջին գոլը իրացրել է 11 մետրանոցից։ «Ալ-Նասրի» կազմում դուբլի հեղինակ է դարձել նաեւ Անդերսոն Տալիսկան (55, 78), եւս մեկ գոլ խփել է Այման Յահյան (90+8):

«Ալ-Նասրը» (52 միավոր) զբաղեցնում է մրցաշարային աղյուսակի երկրորդ տեղը և առաջատար «Ալ-Իթթիհադին» զիջում է մեկ միավորով:

591