Կառավարությունը կխրախուսի ընկերություններին մուտք գործել կապիտալի շուկա և թողարկել դրամային արժեթղթեր

Կառավարությունն այսօրվա` հուլիսի 7-ի հերթական նիստում հաստատել է չզեկուցվող հարցերի փաթեթում ներառված` Թողարկման և վարկանիշավորման պետական աջակցության ծրագիրը, որն ուղղված է Հայաստանի Հանրապետության կապիտալի շուկային և դեպի տնտեսության իրական հատված ֆինանսավորման հոսքերին նոր լիցք հաղորդելուն, ուստի Կառավարության ջանքերը առաջարկվում է ուղղել կապիտալի շուկա դուրս եկող և դրամով արժեթղթեր թողարկող ընկերությունների մուտքը խրախուսելուն միտված համալիր միջոցառումներին։

Սուբսիդավորվելու են բորսայում մուտք գործելու հետ կապված ծախսերը, այդ թվում՝ ընկերության ցուցակման, ինչպես նաև արժեթղթերի թողարկման և դրանց տեղաբաշխման ծախսերը։ Սուբսիդիան կհիմնվի հայկական դրամով առնվազն 36 ամիս մարման ժամկետով պարտատոմսերի թողարկման ժամանակ:

Արդյունքում, առաջիկա երեք տարիների ընթացքում ակնկալվում է ունենալ ոչ ֆինանսական հատվածի կազմակերպությունների կողմից թողարկված կորպորատիվ պարտատոմսերի և բաժնետոմսերի նոր թողարկումներ՝ 97․5 միլիարդ դրամ ծավալով։

Ակնկալվում է ավելացնել միջազգային վարկանիշ ունեցող կազմակերպությունների քանակը, ինչը նոր որակ կհաղորդի Հայաստանի Հանրապետության տնտեսությանն ընդհանրապես և ֆինանսական շուկային:

06 Հուլիս, 2023 15:15

765

ՀՀ կառավարությունը հաստատել է սահմանազատման հանձնաժողովների համատեղ գործունեության կանոնակարգը. այն կուղարկվի ՍԴ

05 Սեպտեմբեր, 2024 11:20

Չենք կարողանում քաղաքացիներին քաջալերել, որ ոչխարաբուծությունը զարգանա․ Փաշինյան (տեսանյութ)

22 Օգոստոս, 2024 12:13

Որքան է կազմել Հայաստանում տնտեսական ակտիվության ցուցանիշի հավելաճը հունիսին

26 Հուլիս, 2024 09:58

Մոսկովյան բորսայում ռուբլու փոխարժեքը դոլարի և եվրոյի նկատմամբ կտրուկ իջել է

26 Հունիս, 2023 11:23

Մոսկվայի բորսայում սկսվել է հայկական դրամով առուվաճառքը

28 Հունիս, 2022 13:11