Բաժանորդագրվեք araratnews-ի տելեգրամ ալիքին։
Իրանի պետական հեռուստատեսության գլխավոր գրասենյակի վրա Իսրայելի կողմից Թեհրանում հասցված հարվածի հետևանքով «մի քանի» աշխատակիցներ են զոհվել, հաղորդել է հեռուստաալիքը եթերում, գրում է BBC-ն։
Հեռուստաալիքի լրագրողներից մեկի խոսքով՝ լրագրողները «աշխատում էին հարձակումից առաջ մինչև վերջին պահը»։
Իրանի Իսլամական Հանրապետության հեռարձակման (IRIB) ղեկավար Փեյման Ջեբելլին հայտնվել է պետական հեռուստատեսության եթերում՝ ձեռքում արյունոտ թղթի կտորով և ասել, որ իր գործընկերները «կկանգնեն մինչև վերջ»։
Հարվածի պահը նկարահանվել է IRINN հեռուստաալիքի ուղիղ եթերում, որի խմբագրությունը գտնվում է շենքում։ Հաղորդավարուհին լքել է ստուդիան, բայց չի տուժել, հաղորդում է պետական IRNA լրատվական գործակալությունը։ Ավելի ուշ նա վերադարձել է եթեր։