Բաժանորդագրվեք araratnews-ի տելեգրամ ալիքին։
Ռուսաստանը Կիևի կողմից վերահսկվող տարածքից վերադարձրել է 146 ռուս զինծառայողի, հայտնել է ՌԴ պաշտպանության նախարարությունը։
«Կիևի ռեժիմի կողմից վերահսկվող տարածքից վերադարձվել է 146 ռուս զինծառայող», - հայտնել է նախարարությունը՝ նշելով, որ փոխարենն Ուկրաինայի զինված ուժերի 146 ռազմագերի է փոխանցվել։
«Բացի այդ, վերադարձվել են Ռուսաստանի Դաշնության ութ քաղաքացիներ՝ Կուրսկի մարզի բնակիչներ, որոնք անօրինական կերպով ձերբակալվել էին Կիևի ռեժիմի կողմից, նրանք կհանձնվեն հայրենիք», - հավելել է ՌԴ ՊՆ-ն։
Նշվում է, որ ռուս զինծառայողները ներկայումս գտնվում են Բելառուսում, նրանք ստանում են անհրաժեշտ հոգեբանական և բժշկական օգնություն։
Ավելի վաղ Մոսկվան և Կիևը Ստամբուլում կայացած բանակցությունների ժամանակ համաձայնել էին համագործակցել մարդասիրական հարցերում։ Դրանց արդյունքներից հետո կողմերն արդեն մի քանի անգամ փոխանակել են գերիներ և վիրավորներ։