Բաժանորդագրվեք araratnews-ի տելեգրամ ալիքին։
NVIDIA-ի Omniverse և Simulation Technology-ի փոխնախագահ Ռև Լիպարիտյանը մեկնաբանել է NVIDIA-ի մասնակցությամբ ստեղծված արհեստական բանականության կենտրոնի բացումը Հայաստանում։
«Եթե մենք ամեն ինչ ճիշտ անենք, Հայաստանը կդառնա նշանակալի խաղացող գլոբալ տեխնոլոգիական ոլորտում։
Բայց արդյո՞ք մենք դա ճիշտ կանենք։
Այո, մենք կունենանք «երկաթը»։ Այո, մենք կունենանք ֆինանսավորումը։ Բայց դա բավարար չէ։ Որպեսզի այս ամենը չվերածվի պարզապես բարձր արտադրողականության պահեստի՝ լի գրաֆիկական քարտերով, Հայաստանին անհրաժեշտ է լիարժեք էկոհամակարգ։ Մեզ անհրաժեշտ են երկարաժամկետ համակարգեր կադրեր պատրաստելու համար, այլ ոչ թե միայն միանգամյա ML ճամբարներ։ Մեզ անհրաժեշտ է մտածողություն` կենտրոնացած արդյունքի վրա, տեխնոլոգիայի խոր ըմբռնում և առաջնորդներ, որոնք կարող են կապել գիտական հետազոտությունները իրական արդյունքների հետ։ Մեզ անհրաժեշտ են բիզնես վերլուծաբաններ, տվյալների ինժեներներ, ապրանքային մենեջերներ, ճարտարապետներ՝ մարդիկ, որոնք կարող են «հում» հաշվողական հզորությունը վերածել աշխատող համակարգերի, ապրանքների և իրական արժեքի։
Եվ ամենակարևորը՝ մեզ անհրաժեշտ է մի մշակույթ, որը ոչ միայն հիանում է դրսի նորարարությամբ, այլև ստեղծում է այն այստեղ։
Ինչո՞ւ է սա կարևոր։ Որովհետև տեղական թիմերը կունենան հասանելիություն նախկինում անհասանելի հաշվողական հզորությանը։ Ստարտափները այլևս չեն սահմանափակվի ենթակառուցվածքով։
Մարդկանցից զուրկ ենթակառուցվածքները պարզապես բետոն և մալուխներ են։ Բայց եթե մենք կառուցենք «մարդկային շերտը»՝ գիտելիքներ, հմտություններ, վստահության և համագործակցության համակարգ, դա պարզապես նախագիծ չի լինի։
Սա կարող է շրջադարձային կետ լինել։ Եվ, թերևս, հաջորդ սերունդը ստիպված չի լինի հեռանալ՝ համաշխարհային մակարդակի արտադրանք ստեղծելու համար»։
Հարկ է նշել, որ Ռևը դեռևս 2022 թվականին ասել էր, որ հետագա զարգացման և խոշոր ընկերությունների Հայաստան գալու համար անհրաժեշտ է լուծել տվյալների կենտրոնների, այսինքն՝ գերհամակարգիչների առկայության խնդիրը։