Բաժանորդագրվեք araratnews-ի տելեգրամ ալիքին։
Ինդոնեզիայում անկարգությունների հետևանքով զոհվել է առնվազն երեք մարդ, ևս հինգ մարդ տուժել է: Associated Press գործակալության տվյալով՝ ցուցարարները նախօրեին երեկոյան հրկիզել են Հարավային Սուլավեսի նահանգի Օրենսդիր ժողովի շենքը:
Մայրաքաղաք Ջակարտայում բողոքի ցույցերը սկսվել են օգոստոսի 25-ին՝ կապված այն հաղորդագրությունների հետ, որ ինդոնեզացի պատգամավորները ամեն ամիս փոխհատուցում կստանան բնակարանային ծախսերի համար: Քննադատները հիշեցրել են, որ բնակչությունը ստիպված է գործ ունենալ գների, հարկերի և գործազրկության աճի հետ:
Բողոքի ցույցերը տարածվել են այլ շրջաններում օգոստոսի 28-ից, երբ Ջակարտայում տեղի ունեցած ակցիայի ժամանակ ոստիկանական մեքենան վրայերթի էր ենթարկել առաքչի: Ինդոնեզիայի իշխանությունները հայտնել են, որ այա գործի շրջանակում ձերբակալվել է յոթ ոստիկան: