Բաժանորդագրվեք araratnews-ի տելեգրամ ալիքին։
9-րդ դասարանի Հայաստանի պատմություն դասագրքի համահեղինակ Նժդեհ Հովսեփյանը Ֆեյսբուքի էջում գրել է․
«Սամվել Շահրամանյանը, վերջապես, մի սխրանք է գործել՝ դասագրքի թեմայով դիմելով դատարան անձամբ իմ դեմ, ապա՝ ԿԳՄՍՆ-ի։ Կարդում եմ հայցադիմումը և մի զարմանահրաշ զավեշտ հայտնաբերում։ Ուրեմն, գրվածից ստացվում է՝ 2023թ. սեպտեմբերի 26-ին նա հրամանագիր չի ստորագրել, բայց սեպտեմբերի 28-ին Արցախի տեղեկատվական շտաբով դրա բովանդակության մասին ի լուր աշխարհի ծանուցել է։ Ապա հոկտեմբերի 19-ին հրամանագիր է ստորագրել՝ չեղարկելով սեպտեմբերի 26-ին «գոյություն չունեցած», բայց պաշտոնապես հայտարարված-համարակալված, իր իսկ խոստովանությամբ՝ «26.09.2023-ին ստորագրված ՆՀ-657-Ն հրամանագիրը»։
Հիմա սա ի՞նչ ծաղր է։ Ի՞նչն է պահանջում հերքել։ Եթե հրամանագիր չի եղել և խաբել է՝ ըստ իր իսկ ներկայիս՝ պոստֆակտում պնդման, ապա հետո ի՞նչն է չեղարկել նոր հրամանագրով։ Գոյություն չունեցած հրամանագրի գոյության դադարեցումը ո՞րն է։ Չեղած հրամանագիրը համարակալո՞ւմ է ունենում։ Եթե գրավոր չի եղել, ինչպե՞ս է կոչվել «ՆՀ-657-Ն հրամանաԳԻՐ»։ Պետության հետ գործ ունե՞նք, թե՞ ինչ որ մեկի առևտրային տաղավարի։
Ի դեպ, պարզվում է, որ չեղած հրամանագիրը չեղարկող հրամանագրի մասին ընդամենը 2 ամիս առաջ՝ 2025թ. մայիսի 14-ին են ֆեյսբուքյան գրառմամբ փաստաբանի էջում ազդարարել (հավանաբար արտահոսքից իմանալով, որ դասագրքում նման տող կա)։ Իսկ գուցե արժեր նախ դատի տալ Արցախի տեղեկատվական շտաբին ու Հայաստանի գրեթե բոլոր ԶԼՄ-ներին՝ առաջնորդվելով «Главное во время следствия не выйти на самих себя» սկզբունքով»։
