Բաժանորդագրվեք araratnews-ի տելեգրամ ալիքին։
ԱՄՆ ֆինանսների նախարար Սքոթ Բեսենթը պնդում է, որ Չինաստանն արդեն զգալիորեն կրճատել է Իրանին ցուցաբերվող աջակցությունը, և որ Թեհրանը շուտով այլևս ոչինչ չի ունենա առաջարկելու՝ դիմացը որևէ օգնություն ստանալու համար։
«Չինաստանը զգալիորեն կրճատել է Իրանին տրամադրվող ցանկացած օգնություն», - հայտարարել է նա կիրակի օրը Fox News-ին տված հարցազրույցում։
Բեսենթը նաև կարծիք է հայտնել, որ Թեհրանի նավթային պաշարները սպառվում են, և որ «Իրանը շուտով այլևս ոչինչ չի ունենա առևտրի համար»։
«Հավանաբար, նրանք նավթի իրենց վերջին խմբաքանակները Չինաստան կուղարկեն առաջիկա երկու շաբաթվա ընթացքում», - կանխատեսել է նախարարը։
Այս շաբաթվա սկզբին ԱՄՆ նախագահ Դոնալդ Թրամփը հայտարարել էր, որ Իրանի հարցը քննարկել է Չինաստանի նախագահ Սի Ծինփինի հետ և նշել, որ այժմ ամեն ինչ հիանալի է լինելու։