Հոլիվուդյան աստղ Սթիվեն Սիգալը մտադիր է անդամագրվել ռուսական «Արդար Ռուսաստան՝ հանուն ճշմարտության» կուսակցությանը։ Այս մասին հայտնում է «ՌԻԱ Նովոստի» լրատվական գործակալությունը։ Ըստ հաղորդման, դերասանի անդամագրումը կիրականացվի մայիսի 29-ին։ Այդ օրը տեղի է ունենալու կուսակցական համաժողով, որի ընթացքում էլ Սիգալին կհանձնվի կուսակցական անդամատոմս։ Մինչ այդ, դերասանը «Հանուն ճշմարտության» կուսակցության անդամ էր, եւ հիմա արդեն այս կուսակցությանն է անդամագրվում՝ Զախար Պրիլեպինի թիմի հետ։ Նա զբաղվելու է կուսակցության բնապահպանական քաղաքականությամբ։ Մասնավորապես՝ նա առաջ է մղելու բնության աղտոտման դեմ պայքարի հետ կապված հարցերը։

 

979