Ռոբերտ Քոչարյանի և Արմեն Գեւորգյանի գործով դատական նիստից հետո ՀՀ գլխավոր դատախազի տեղակալ Գեւորգ Բաղդասարյանը ճեպազրույցում ասել է․ 

«Նիստը հետաձգելու պատճառը շարունակում է առկա լինել, մասնավորապես, դատարանի համար պարզ չէ Ռոբերտ Քոչարյանի եւ Արմեն Գեւորգյանի կարգավիճակը, քանի որ նրանք «Հայաստան» դաշինքի ցուցակում են եղել եւ ԱԺ պատգամավոր հավանաբար կարող են դառնալ։

Դատարանին մտահոգում է նրանց անձեռնամխելիության հարցը՝ դատարանը գտնում է, որ նրանք ձեռք են բերում անձեռնամխելիություն եւ նրանց նկատմամբ քրեական հետապնդման ենթարկելու համար պետք է անձեռնամխելիություն հաղթահարվի։

Անձեռնամխելիության հարցը կարող է քննարկվել 2 իրավիճակում՝ մեկը քրեական հետապնդում հարուցելու, մյուսը՝ ազատությունից զրկելու պարագայում»։

1601